Descripción:
Este Diccionario vai destinado a todo usuario da lingua galega que desexe crear un texto oral ou escrito e que precise substitutivos de termos repetidos ou simplemente desexe profundar no manexo da lingua. Pódelle interesar ó alumno que está a elaborar o seu traballo de clase, ó xornalista que escribe a súa crónica ou a calquera outro usuario con calquera outro texto.

Moitas veces temos escoitado que as linguas posúen moi poucos sinónimos perfectos, ou sexa termos que poden ser substituídos por outros co seu mesmo significado exacto en calquera contexto. Non obstante, cando esta mos a elaborar textos podémonos atopar con moi distintas situacións nas que nos pode ser moi útil este diccionario:

a) Cando queremos evitar repeticións dos mesmos vocábulos ou lexemas nun mesmo parágrafo.

b) Cando por razóns de estilo ou de exactitude semántica desexamos substituír un termo por outro máis axeitado.

c) Cando estamos a usar termos que, aínda sendo correctos, non lle dan ó texto as características de enxebreza que á veces serían desexables.

Entendemos este diccionario como unha ferramenta auxiliar ou complementaria. A secuencia de equivalencias que incluímos en cada acepción pode dar unha idea do significado exacto dun vocábulo, pero non pretendemos en ningún caso ofrecer un substituto dos diccionarios convencionais.