Subtitulo : Un estudio de textos lingüisticos galegos de principios do século XX (1913-1936)

Description:
Este libro, baseado na miña tese de doutoramento presentada na Universidade de Oxford en 1996, investiga o papel histórico do estudio da língua dentro dos movementos rexionalista e nacionalista galegos de principios do século XX. Nel arguméntanse dúas proposicións históricas: a primeira é a de que é nesta época cando a língua adquiriu un rol social e político esencial dentro do discurso ideolóxico do Galeguismo; a segunda, a de que o interese dos textos lingüísticos galegos aqui analizados só se pode avaliar correctamente se entendemos o contexto histórico en que foron escritos.

A ideoloxía ‘nacionalista’ domina historicamente o discurso galego e castelán sobre a língua ó longo do período. É o nacionalismo o que, en última instancia, crea as nacións e as línguas nacionais e o que, polo menos nalgúns casos, acaba instituindo as línguas que promove como línguas oficiais. Ó comezo deste período, o galego era considerado como un dialecto ou un idioma indistintamente. Durante esta época, sen embargo, o termo ‘dialecto’ foi rexeitado de maneira sistemática. A finais do período, o galego sería declarado língua cooficial no Estatuto de Autonomia de 1936.
- DE SINOPSE


INDICE:

Lista de graficos e taboas......6

Abreviaturas......8

Sinopse......9

Agradecementos......11

Prefacio......13

1. Introduccion: historia e lingüistica en Galicia......19

2. A historia da lingua como marco filoloxico......63

3. As gramaticas galegas do periodo ‘Nós’......121

4. Os diccionarios galego-castelans de principios do seculo XX......197

5. Conclusion: lingua e linguistica en Galicia......287

Obras examinadas......318

Referencias bibliograficas......319

Bibliografia selecta de obras consultadas......243