Descripción:
La sintaxis ye un componente esencial de la gramática d’una llingua, el que la dexa desenvolver les sos grandes virtualidaes como ferramienta d’adquisición, creación y comunicación de conocimientu. Sicasí, ello nun se tradució nos estudios asturianísticos nuna atención siquier asemeyada a la que sí tienen merecío otros aspectos de la llingua asturiana como la dialectoloxía, la evolución histórica o les cuestiones de fonética o de léxicu. A lo más, el conocimientu teóricu de la sintaxis asturiana vieno acutáu, sobremanera, en cuestiones de morfoloxía, esto ye: nel aspectu puramente formal de les relaciones ente les palabres presentes nuna oración, ensin buscar tanto otres claves, como les pragmátiques y les semántiques, previes y esenciales na conformanza de los patrones relacionales sobre los que se dispón l’enunciáu.

Pensar asturiano quier contribuyir a emburriar y renovar los estudios de sintaxis del asturianu proponiendo un modelu descriptivu abiertu y reflexivu que, ensin servidumes d’escuela pero dende una visión actualizada de la teoría llingüística, dexe ver (n’as-turianu y nel asturianu) los mecanismos colos que la intelixencia humana esperimenta’l mundu y lu comunica al serviciu de les específiques perspectives étiques de los falantes.


INDIZ:

Palabres previes......7

PRIMER PARTE: ENTE LES IDEES Y LES VOCES

I. La sintaxis na llingua: intelixencia, conocimientu y ética......15

II. El marcu del análisis gramatical......45

SEGUNDA PARTE: LOS PATRONES BASICOS DE LA SINTAXIS

III. El patrón ilocutivu......111

IV. El patrón proposicional219

V. La evaluación modal......325

TERCER PARTE: DIENTRO LA ORACION

VI. La función de suxetu......341

VII. La función d’oxetu......415

Delles referencies bibliografiques xenerales......499

Bibliografia xeneral de sintaxis asturiana......503