Descripción:
As unidades fraseolóxicas foron consideradas tradicionalmente corno expresións irregulares, anómalas, excepcionais. Sen embargo, desde o punto de vista cuantitativo, esta visión debe ser, xa non matizada, senón corrixida. Danlos (1981: 53) afirma, por exemplo, que ‘leur nombre avoisine celui des constructions dites ‘libres’’ e Coulmas (1981b: 150) sinala que é dificil imaxinar unha lingua sen tal tipo de expresións. O certo é que unha ollada a calquera texto, oral ou escrito, descóbrenos unha abondosa presencia de unidades complexas memorizadas, almacenadas como un todo no lexicón mental dos falantes.

Non debe resultar estraño, en consecuencia, o interese dos estudiosos por este tipo de expresións, aínda que se trate dun interese bastante serodio, cando menos desde o punto de vista teórico, posto que a súa investigación sistemática non comezou ata a década dos 70 do pasado século, e foi só nos últimos anos cando atinxiu gran desenvolvemento.

A explicación do actual apoxeo dos estudios fraseolóxicos encóntrase en boa medida na complexidade e riqueza das unidades obxecto de análise e na conseguinte posibilidade de abordaxe desde múltiples perspectivas: son estudiadas desde o punto de vista sintáctico e formal, son abordadas desde o punto de vista semántico (pénsese nas unidades fraseolóxicas figuradas e na posibilidade de estudiar tanto os significados literais que se fixan como os significados figurados que se lexicalizan) e son analizadas desde o punto de vista da pragmática e da análise do discurso (téñase en conta, por exemplo, o importante papel que xogan na conformación do discurso as fórmulas), pero tamén supoñen un gran reto para o lexicógrafo, para o profesor de linguas estranxeiras, para o psicolingüista, para o traductor e para o estudioso do procesamento automatizado da linguaxe natural, de modo que non debe estrañar encontrar na bibliografia fraseolóxica numerosos traballos de carácter lexicográfico (fraseográfico), didáctico, psicolingüístico, traductolóxico ou computacional.
- DE PRESENTACION


INDICE:

Abreviaturas......5

Presentacion......9

1. Caracterizacion e clasificacion das unidades fraseoloxicas......11

2. Fixacion de esquemas sintacticos nas locucions verbais......25

3. Estructura formal das locucions verbais. A determinacion......57

4. As LV rixidas. A fixacion......92

5. As LV flexibles (1): Conversions vinculadas co procesamento do significado literal......127

6. As LV flexibles (II): Conversions vinculdas coa analizabilidade semantica das LV......147

Conclusiones......217

Apendice......227

Bibliografia......257