Descripción:
Unha muller arxentina chega a Galicia á procura dun seu irmán, fillo de Carlos Gardel e da súa nai. Dende o seu apartamento de Vigo, nun serán dun vintecinco de maio -data patria no seu país-, entre a teimosía da chuvia e mailo suave e morno ritual do mate, relembra a súa nenez e a súa adolescencia en Mar del Plata e a maneira en que a súa nai lie revelou o seu segredo, que lie fixera viaxar ata Toulouse, Guipúzcoa e Vigo, cidade onde atoparía a un amigo, a un irmán e a un amor.

Por primeira vez, a figura mítica de Gardel é tratada na literatura universal. Cántico espiritual entre Galicia e Arxentina, a través da mitoloxía popular e do esplendor cultural. Tenrura, ironía, oda, epístola, elexía, sátira e humor percorren as súas páxinas cunha vontade de estilo prístinamente poético. O seu punto de vista amosa a perspectiva do narrador-protagonista ó longo dun monólogo interior salferido de oníricas imaxes, venerables alquimias e alucinantes labirintos. Paralelística cantiga de amigo á beira do mar de Martín Códax, musicalmente modulada pola saudade do seu destino. Estructura en espiral arredor da que caleidoscópicamente flúen -lámpada maravillosa, lanterna máxica ou caixa chinesa- múltiples estilos e xogos de espeIlos, tangos e sinfonías mergulladas nunha insólita e rica visión novelística no ámbito da literatura galega.


Sobre el autor:

Isaac Otero naceu en Vigo en 1949. Matricula de Honor de Bacharelato Superior (1966). Cursou a carreira de Filosofia e Letras na especialidade de Filoloxia Romanica na Universidade de Santiago de Compostela, graduandose coa tese A poesia de Xosé Hierro (1972). Premio Nacional o Mellor Becario (Ministerio de Educacion, 1973). Realizou os Cursos do Doutrado coa calificacion de sobresaliente e posue o Diploma de Lingua Galega da Direccion Xeral de Politica Lingüistica da Xunta de Galicia. Exerce unha catedra de Lingua e Literatura española de Instituto. Adscrito o Ministerio de Cultura, foi Xefe de Estudios e profesor de Galego de Universidades de Terceira Idade. Atopase en situacion de excedencia na Conselleria de Turismo da Xunta de Galicia.